ئه‌ندامانی کۆمیته‌ی ڕێکخراوی "شیک" ئێواره‌ وه‌خته‌یه‌کیان ساز کرد له له‌نده‌ن له‌‌ به‌رواری 3/7/2008 بۆ وه‌زیری خوێندنی باڵا به‌ڕێز دکتۆر ئیدریس هادی و وه‌فدی یاوه‌ری که‌ بریتیبون له‌ دکتۆر ئه‌حمه‌د دزه‌یی و دکتۆر ریاض فره‌نسیس .

له‌ دانیشتنه‌که‌دا ئه‌ندامانی کۆمیته‌ی "شیک" جه‌ختیان له‌سه‌ر ئه‌وه‌ کرد که‌ هه‌میشه‌ ئاماده‌ن و به‌رداوام ده‌بن بۆ پشتگیریکردنی خوێندنی باڵا له‌ زانکۆکانی کوردستان .

دکتۆر ئیدریس سوپاسی ئه‌ندامانی "شیک" ی کرد و ئه‌و به‌ده‌ستهێنانه‌ی که‌ تا ئێستا "شیک" به‌ ئه‌نجامی هێناوه‌ - زۆر به‌‌نرخ – وه‌سفی کرد .

شایانی باسه‌ له‌ دانیشتنه‌که‌دا به‌ درێژی باس له پرۆژه‌یه‌ک کرا که "شیک" مه‌به‌ستێتی به‌ ئه‌نجامی بهێنێت له‌ کوردستان و جه‌نابی وه‌زیریش پاڵپشتی خۆی نێشاندا و به‌ڵێنی دا که‌ ئاماده‌یه‌ بۆ هه‌موو یارمه‌تیه‌ک که‌ سوودی خوێندنی باڵای تێدا بێت له‌ کوردستان.‌ ‌